KERALA MUSLIM JAMAATH, SჄS,SSF-VARAMKADAVU UNIT : ഏപ്രിൽ 2023

SSF എന്ന മഹാ പ്രസ്ഥാനം

ഇത്രയേറെ ഊർജ്ജമുണ്ടായിരുന്നോ ആ തക്കാളിപ്പെട്ടിക്കകത്ത്?! --------------- പട്ടിക്കാട് ജാമിഅ നൂരിയ്യ അറബിക് കോളേജിലെ വിദ്യാർത്ഥി സമാജമായ നൂറുൽ ഉലമയുടെ ഓഫീസിലുണ്ടായിരുന്ന ഒരു തക്കാളിപ്പെട്ടിയായിരുന്നു SSF ന്റെ ആദ്യ സംസ്ഥാന കമ്മിറ്റി ഓഫീസെന്ന് രൂപീകരണ കാല നേതാക്കളുടെ ക്ലാസ്സുകളിൽ പലപ്പോഴും കേട്ടിട്ടുണ്ട്. വളരെ ലളിതമായ തുടക്കത്തെ അതിഗംഭീരമായി പ്രതീകവത്കരിക്കാൻ ആലങ്കാരികമായി എടുത്തുപയോഗിക്കുന്നതല്ല ആ തക്കാളിപെട്ടിക്കഥ. മിനുട്സ് ബുക്ക്, റിപ്പോർട് ബുക്ക് തുടങ്ങിയ തികച്ചും അടിസ്ഥാനപരമായ രേഖകൾ മാത്രം സൂക്ഷിക്കാൻ കയ്യിലുള്ള ഒരു വിദ്യാർത്ഥി സംഘടനക്ക് ആ തക്കാളിപ്പെട്ടി തന്നെ ധാരാളമാണല്ലോ. ആ കുടുസ്സിൽ നിന്നാണ് ഇന്ത്യയിലെ 17 നഗരങ്ങളിൽ ഒരേ ദിവസം 50 ആം വാർഷികം പ്ര‌ഖ്യാപിക്കാൻ മാത്രം കെല്പുള്ള ഒരു മഹാശക്തിയായി SSF വളർന്നു കഴിഞ്ഞിരിക്കുന്നത്. ഇതൊരു ചെറിയ കാര്യമല്ല. 17 നഗരങ്ങളിലും അവയുടെ ചുറ്റുവട്ടങ്ങളിലും ചെറുതല്ലാത്ത സാന്നിധ്യം SSF എന്ന ഐഡന്റിറ്റിയിൽ തന്നെ ഉണ്ടാവണം. എല്ലായിടങ്ങളിലും ഒരേ സമയം തരക്കേടില്ലാത്ത രൂപത്തിൽ കാര്യങ്ങൾ ചെയ്തെടുക്കാൻ സംഘാടനശേഷിയുള്ള ചെറുപ്പക്കാർ ഉണ്ടാകണം. മേൽനോട്ടം വഹിക്കാനുള്ള നേതൃത്വം ഉണ്ടാകണം. ഓരോ സംസ്ഥാനത്തിന്റെയും ഭാഷാവൈവിധ്യങ്ങളെയും സാംസ്കാരികാഭിരുചിയേയും അഡ്രസ്സ് ചെയ്യണം. മതകീയാടിത്തറയിൽ നിന്ന് കൊണ്ട് തന്നെ സംസാരിക്കുന്ന സംഘടനയെന്ന നിലയിൽ മുസ്‌ലിം രാഷ്ട്രീയ കക്ഷികൾക്കൊന്നുമില്ലാത്ത ഒരു പരിമിതി കൂടിയുണ്ട് SSF ന്. കേരളത്തിന് പുറത്തെ മഹാഭൂരിഭാഗം വരുന്ന ഹനഫീ മുസ്ലിംകൾക്കിടയിലേക്ക് ശാഫീ മുസ്ലിംകളായി നിന്നു കൊണ്ട് തന്നെ ഇറങ്ങിച്ചെല്ലണം. ഇങ്ങനെയുള്ള എല്ലാ കടമ്പകളേയും മറികടന്ന് കൊണ്ട്, ഇന്ത്യയിലെ ഏറ്റവും വലിയ മുസ്ലിം വിദ്യാർത്ഥി സംഘടനയായി SSF ജ്വലിച്ചു നിൽകുന്നത്‌ കാണുമ്പോഴാണ് എന്ത് മാത്രം ഊർജ്ജമാണ് ആ തക്കാളിപെട്ടിക്കകത്ത് പൂർവീകർ ഒളിപ്പിച്ചു വെച്ചിരുന്നതെന്ന് ആശ്ചര്യപ്പെട്ടു പോവുക. കേരളത്തിന് പുറത്ത് ജനിച്ച് കേരളത്തിലേക്ക് ഇങ്ങോട്ടിറങ്ങി വന്ന മുസ്‌ലിം രാഷ്ട്രീയ സംഘടനകൾക്ക് പോലും കേരളത്തിനകത്തേക്ക് ചുരുങ്ങിപ്പോയ കഥ പറയാനുള്ളിടത്താണ്, കേരളത്തിൽ പിറവിയെടുത്തതും പ്രത്യേകിച്ച് പ്രിവിലേജുകളൊന്നും അവകാശപ്പെടാനില്ലാത്തതുമായ, മുസ്ലിയാരു കുട്ടികളുടെ മേൽ കയ്യിൽ നടക്കുന്ന SSF, സംസ്ഥാനങ്ങളുടെ അതിരുകൾ ഭേദിക്കുന്നത്. 50 കൊല്ലം കൊണ്ട് SSF എന്തൂ ചെയ്തുവെന്നതിന് അഖിലേന്ത്യാ തലത്തിലേക്കുള്ള ഈ പകർന്നാട്ടം മാത്രം ഉത്തരമായി കാണിക്കുന്നത് SSF വരുത്തിയ അതി ഗംഭീര വിപ്ലവത്തോട് കാണിക്കുന്ന അനീതിയായിപ്പോകും. കേരളത്തിലെ ഓരോ ഗ്രാമങ്ങളിലും SSF വരുത്തിയ മാറ്റങ്ങളുടെ അടയാളങ്ങളുണ്ടാകും. മിക്കവാറും മുസ്ലിം വീടുകളിലും SSF നാൽ പാകപ്പെടുത്തപ്പെട്ട ഒരു ചെറുപ്പക്കാരനുണ്ടാകും. കേരളത്തിലെ പ്രധാന ഇസ്‌ലാമിക മൂവ്മെന്റുകളായ സമസ്തയിലും കേരള മുസ്‌ലിം ജമാഅത്തിലും SYS ഇലുമെല്ലാം മുൻ SSF കാർ പ്രധാന ഉത്തരവാദിത്തങ്ങളിൽ ഇരിക്കുന്നത് കാണാം. വൈജ്ഞാനിക സംരംഭങ്ങളുടെ നടത്തിപ്പുകാരായും അവിടങ്ങളിൽ സേവനം ചെയ്യുന്ന പ്രതിഭകളായും SSF ഇലൂടെ കയറിയിറങ്ങിയ ആയിരങ്ങളെ കാണാം. ഇതൊക്കെയും SSF നേട്ടങ്ങളുടെ പട്ടികയിൽ തീർച്ചയായും എഴുതി വെക്കേണ്ടതാണ്. 50 കൊല്ലം കൊണ്ട് SSF വരുത്തിയ മാറ്റവും SSF നു തന്നെ വന്ന മാറ്റവും വിശാലമായി ചർച്ച ചെയ്യപ്പെടണം. ഇന്ത്യയിലെ ഏറ്റവും പ്രധാന നഗരമായ മുംബയിൽ 50 ആം വാർഷികസമ്മേളനം നടത്തുമെന്ന് ആർജവത്തോടെ പ്രഖ്യാപിച്ചിരിക്കുന്ന SSF നും SSF‌ കാർക്കും അഭിവാദ്യങ്ങൾ.

ssf വാരംകടവ് യുനിടിന്റെ പ്രവര്‍ത്തനങ്ങള്‍

മത സാമൂഹിക സംസ്കാരിക മേഘലകളിൽ പ്രേവര്തിക്കുന്ന SჄS,SSF വാരംകടവ് യുനിടിന്റെ പ്രവര്‍ത്തനങ്ങള്‍ സ്ലാഗനീയമാണ്.നിരവധി പ്രഭാഷണങ്ങള്‍, ബുര്‍ദ മജ്ലിസുകള്‍, ആശയ വിനിമയ ക്ലാസുകള്‍,മുഗാമുഗങ്ങള്‍,കണ്ണ് പരിശോദന കേംബ്,പാവപ്പെട്ടവര്‍ക്കുള്ള സൌജന്യ മെഡിസിന്‍ വിതരണം,വിവാഹ ധന സഹായം,വീൽ ചെയർ, ഓഫീസ് നിര്‍മാണം,സാന്ത്വനം ക്ലബ്‌ എന്നിവ യുണിറ്റ് കമ്മിറ്റിയുടെ കീയില്‍ ഇപ്പോള്‍ നടന്നു കൊണ്ടിരിക്കുന്നു .നമ്മുടെ ചെറിയ സഹായം അള്ളാഹു സ്വീകരിക്കട്ടെ.ആമീൻ

KERALA MUSLIM JAMAATH, SჄS,SSF-VARAMKADAVU UNIT

Kerala Yuvajana Sammelanam, Thrissur

ഏപ്രിൽ 30, 2023

SSF GOLDEN FIFTY@kannur

KERALA MUSLIM JAMAATH, SჄS,SSF-VARAMKADAVU UNIT